هندسة الأساليب

 ingenieura شعبة تقراها في الايزات 3 سنين تنجم تعمل فيها ماستار أما دكتورا لا و تنجم بعد ماتاخذ الإجازة تكمل 

شعبة تقراها في الايزات 3 سنين تنجم تعمل فيها ماستار أما دكتورا لا و تنجم بعد ماتاخذ الإجازة تكمل ingenieura كان جيت من الأوائل يعني ب16 فما أكثر معدل و كل مرة كيفاه ، ولا تكمل ingenieura بريفي ...

فيها زوز تخصصات أساليب كيميائية ولا غذائية و انت تختار هذا طبعا كانك اخترت ايزات فيها التخصصات الزوز كيما ايزات صفاقس ولا زغوان فيها زوز تقرى عامك لول جذع مشترك و في الدزيام تختار شنو باش تكمل chimie ولا agro
Agroalimentare =أساليب غذائية
و كان خترت ايزات فيها اختصاص واحد تكمل فرد اختصاص

نجيو لأهم حاجة و اهم سؤال يسألو أي واحد !!!
شنو نجم نخدم؟ ؟ شنيا افاقها الشعبة ؟؟
هي إجازة تطبيقية يعني باش تعمل على ايديك ، تنجم تخدم في المعامل تع الماكلة (ياغورت، حليب، مقرونة. ..) معامل تع مواد تنظيف ، و زادا لابوراتوار متع produits cosmétiques لابوراتوار groupe chimique تنجم معامل دواء ...
من الاخر أي بلاصة فيها تصنيع متع مواد غذائية ولا كيميائية ، انت ماكش باش تصنع ، لا، انت خدمتك ك technicien supérieur
تراقب المنتوج تعملو les analyses تشوف شناقص شزايد ، كي باش نصنعو حاجة نشوفولها مكوناتها الكل مريقلة ولا نقيسولها مثال
(Ph , humidité , température ...)
قداه فيها من glucides , phosphate , cadimium ...برشا حاجات
انت تقيس ، تقول ان باش نقصو اش باش نزيدو، شنيا الظروف الملائمة لتصنيع المنتوج ، مراقبة الجودة ...
سكورها في التسعين و ماينجمو يقراوها كان باك مات ولا سيونس ...
كل عام قراية إجباري تخرج ستاج باش تقرب للميدان أكثر
بالنسبة لسيستام القراية نقرو كور و تيبيات بالنسبة les tp مهمين برشا لازمك ديما حاضر فيهم أهم حتى من الكور ...
الماتيارات في البروميار :
chimie organique , chimie de solution, thermodynamique , cinétique , algèbre w matrice (kan simestre loula ba3d ytna7aw jmla ) électricité , mécanique fluide (sahil) ....
الماتيارات مش صعاب و الشعبة مش صعيبة يعني اخدم تلقى عادي كالشعب الكل .