السكور يطلع ولاّ يهبط ؟

برشا  يسألو على سكور ألي موجود في دليل التوجيه ..شنية حاكيتو و كيفاش نعرف سكور باش يطيح أو لا ؟.....أول حاجة سكور ألي موجود في كتاب التوجيه هكا سكور آخر موجه لجماعة باك عمناول  . ..سكور هكا مؤشر تقريبي ....يعني ينجم يطلع ، ينجم يهبط ، ينجم يقعد هو بيدو ....لهنا باش تحتارو ومكمش باش تعرفو زعما سكرو يطيح او لا ...بون فما حاجات تقربلك الحكاية هاذي و تخليك تعرف زعما ذكور يطيح أو لا ، هي estimation يعني توقعات تنجم تكون صحيحية أو لا ...لكن تقريبية

 : المؤشر الأول  هي نسبة الناجحين بين سنا و عمناول ...و عدد الناجحين زادت ...كي تنقص النسبة و ينقص العدد يعني سكور باش يطيح شوية ... يعني كان نسبة النجاح طاحت في شعبة ..يعني مفماش برشا معدلات باهية و سكور باش يطيح ...و كان طلعت راو فما أمكانية يطلع .
: المؤشر الثاني هي عدد البقاع في كل شعبة يعني مثال طب طالبين 100 واحد عمناول و كان سنا باش يطلبو 50 فقط يعني باش تكون أكثر المنافسة يعني سكور يطلع شوية .. كل ماعد البقاع يزيد في الشعبة كل ماهو فما أمكانية انو سكور يطيح ..و العكس بالعكس.
: المؤشر الثالث   هو الرتبة ، كي تعرفو الرتبة متاعكم ....و الرتبة فما زوز أنواع فما رتبة بالمعدل و فما رتبة بلسكور ...المهمة هي متع السكور ....بعد ماتعرفو ..تسألو جماعة عمناول مثال واحد سكورو 150 باك مات عمناول قداش رتبة متاعو و تشوف روحك أنتي سنا قداش رتبتك بنفس السكور

المؤشر الرابع  هي سكورات متع الأعوام ألي فاتو ...فقط باش تاخو فكرة شنوة التغيير ألي ينجم يصير....