اعادة توجيه أوت

هي عملية تعطيك الفرصة باش تبدل التوجيه متاعكم ..تصير من 10  أوت حتى 16 أوت  على الموقع و 17 أوت بالملف .. و جميع الشعب فيها أعادة توجيه "معدى الشعب ألي فاها اختبار" ... الشعب ألي ب TEST مافيهاش أعادة توجيه 

كيفاش تصير و شنية الشروط ؟

1/أسباب عادية: ( يعني بلسكور )كل واحد فيكم يحب يبدل أختيرارتو يدخل على موقع التوجيه نهار 10  أوت و يعمر كيما عمرتو في التوجيه العادي ...و عندك 5 اختيارات --------------تنجم تعمر وحدة كيما تنجم تعمر الكل .

2/اسباب صحية :سعات واحد مينجمش يقرى بعيد خاطر مريض و لا حاجة ...وقتها يعمر في الموقع أختياراتو و يطبع وصل الاستلام بعد ميحط أسباب صحية و يعمر أختيراتو و يقبلوك في اختيار حتى كان سكورك مايخلطكش
--------------
الوصل هذا يزيدو dossier médicale ، يعني يعمل ملف جواب كبير فيه الوصل من موقع التوجيه و معاه أواق متع أسباب صحية
-------------
الأوراق متع الحالة الصحية ...موش شهادة طبية من عند généraliste . لازم أوراق تثبت انو مريض بحاجة تخليه مينجمش يقرا بعيد و لهنا يلقا الأوراق متع الأسباب الصحية

الأوراق الصحية :أي وثيقة أو ملف صحي ثثبت أن طالب يعاني من مرض مزمن أو مرض يطلب العناية أو مرض نفسي أو مرض خطير أو مرض منذ مدة ألخ
---------------
بعد مايتحصل على الاوراق هاذم فما أوراق اخرين يزدهم لملف متاعو ألي هوما
نسخة من بطاقة التعريف الوطنية للمترشح.
نسخة من بطاقة إرشادات صحية خاصة بالطالب يتسلمها من أقرب مركز صحي عمومي. ( بطاقة ارشادات وقتلي تمشي لمستوصف أو ليسا اسئل فينو الملف الصحي متاعك يعدي عليك الطبيب و يعطيك ورقة ارشادات و الملف الصحي و الشهادة الطبية )
نسخة من الملف الصحي المدرسي للمترشح يرجى الانتباه إلى ضرورة الاحتفاظ بالملف الأصلي
تنجم زادت تزد مطلب باسم وزيرة التعليم العالي أو مدير الشئون الطلابية بخط يدك تكتب فيه ضروفك
----------------------

3/أسباب أجتماعية:كيما الأسباب الصحية أما معناها dossier social و يعني باش تعمل ملف تحط فيه أوراق الأجتماعية ، و يقبلوك في اختيار حتى كان سكورك مايخلطكش ، الأوراق هاذم كيما
-بطاقة علاج مجاني
بطاقة علاج ذات تعريفة منخفضة
بطاقة إعاقة
مضمون وفاة أحد الوالدين
نسخة من حكم طلاق الوالدين
مزمن شهادة تثبت إصابة أحد الوالدين بمرض
بطاقات أعداد الإخوة التلاميذ
شهائد الترسيم للإخوة الطلبة
شهادة في الخصم من المورد
شهادة بيانية في الأجر
ما يثبت عمل أحد الوالدين بالخارج
عقد زواج وشهادة عمل أحد القرينين للتقريب بين الأزواج
وثيقة رسمية تثبت أن المعني بالأمر أحد أبناء جرحى أو شهداء الثورة
أية وثيقة أخرى من شأنها إثبات الحالة الاجتماعية
شهادة اقامة
---------------
بعد مايتحصل على الاوراق هاذم فما أوراق اخرين يزدهم لملف متاعو ألي هوما
نسخة من بطاقة التعريف الوطنية للمترشح.
نسخ من بطاقات التعريف الوطنية لوالدا المترشح. ( بوك و أمك )
و الوصل بعد ماتعمر على الأنترنات ( كيف الأسباب الصحية )

4/كيفاش تبعث الملف الصحي أو الأجتماعي :

أوراقك الكل تحطهم في جواب كبير و تبعثعهم مضمون الوصول ( أمشي للposte قوللهم باش نبعث جواب كبير مضمون الوصول تو يفهموك ) و في التصورية أكثر توضيح و العنوان

وزارة التعلیم العالي والبحث العلمي - الإدارة العامة للشؤون الطالبیة

شارع أولاد حفوز، 1030 تونس

مع كتابة عبارة " مطلب إعادة توجیھ – دورة 2018 " على الظرف الخارجي.

5/ ملاحظة (الملاحظات هاذم مهمين برشا الرجاء التركيز ) 
**7% محسوبة في أعادة توجيه ...كيما توجيه من الأول و بنفس الشروط
--------------------
** في دليل التوجيه صفحة 17 و 18 تلقاو أكثر معلومات
--------------------
*أعادة توجيه مافيهاش التمييز الايجابي
--------------------
**موش معناها عملت dossier معناها باش يقبلوك لازم dossier يكون bien argumenté و زادت تكون حاط اختيارات معقولة موش بعيدة برشا على سكورك
--------------------
**كل فاك تخلي عدد معين لجماعة أعادة توجيه ...يعني تقرى حسابها ...موش معناها وفاو البلايص في الدورة الأولى سيا دونك ماتخممش على البلايص
--------------------
**أي واحد باش يعمل أعادة توجيه يعمل demande مبيت جامعي خاطر النتيجة تهبط 31 أوت و ينجمو مايقبلوكش و وقتها يفوتك أجل المبيت  و كان قبلوك بعد تعمل مطلب آخر و عندكم الوقت
--------------------
**بعد مايقبلوك في أعادة التوجيه و تحب تبطل تنجم ..تختار ترجع لشعبة الاولى ..و الأختيار يصير في موقع التسجيل الجامعي و انتي حر ...(في موقع التسجيل تلقى زوز اختيارات و انتي اختار ألي تحب )

--------------------

ألي عملو شعب بالاختبارات ينجم يعمل أعادة توجيه و بعد يخيتار بين شعبة أعادة التوجيه أو شعبة ألي خذاها في التوجيه سواء نجح أو لا في الأختبار
--------------------
كان ماتقبلتش في أعادة توجيه بلاصة ماتخسرهاش في اختيارك الأول
--------------------
**ألي باش يعمل أعادة توجيه ماهوش باش يفوتو حتى شي لا مبيت و لا بورص ..كل شي تو يجي في وقتو
--------------------
**ألي باش يعمل أعادة توجيه مايعملش ترسيم في الفاك بلنترنات و ينتظر نتائج أعادة توجيه و اجال التسجيل في الفاك """ ماتوفاش """ ..خار كان باش ترسم عن بعد و تخلص الفلوس بعد تحب تبدل وقتها باي باي فلوسك و تخلص من جديد 

-------------------

* كان سكورك أكثر من سكور آخر موجه في الشعبة ألي طالبها دونك الشعبة 50000000000% باش تاخوها و كان سكورك أقل منغير ماتعب روحك مفماش تخطفلي و نجرب ..( نحكي على أعادة توحيه بالحالة العادية )
و كان سكورك يكون قد قد حتى بالفاصل لاخر موجوه وقتها تنجم تعمل مطلب لوزارة حط فيه بطاقة الأعداد متع الباك و اكتب مطلب بخت يدك لانو وقتها ينجمو يشوفو بعض المواد
--------------------
** كي تعمل أنتي اختيارات و تحط أسباب صحية  أو أجتماعية ...بون الأختيار الاول أكيد أكثر من سكورك و انتي معمل على المطلب الصحي باش يقبلوك...لكن أنتي تنجم تحط الاختيارات الآخرين أقل من سكورك كان حشتك باش تبدل هكاكة كان ماقبلوش الملف الصحي أهوكا تاخو الاختيارات ألي بلسكور