باهي هي شعبة حديثة احدثت سنة 2016 و مستقبلها ان شاء الله مضمون نتخرجوا برتبة استاذ أول في التعليم الابتدائي ، 9 أجزاء تضم الشعبة إلي هوما : الكاف جندوبة زغوان المهدية سبيطلة قابس قفصة مدنين و تطاوين بسكور مختلف من جزء إلى آخر الي يخلي الحظوظ تكون أوفر ، الدخول للشعبة يتضمن إجراء إختبار نوعا ما شكلي أهم حاجة فيه الثقة في النفس و هي محددة بعمر معين لا يفوق 21 سنة في1 أكتوبر 2019، و طريقة احتساب السكور : السكور متاعك العادي + ( نوط العربية + نوط الفرنسية )/2
ما يخص الانتداب قطاع التعليم ناقص برشا معلمين و هذا ما ينجم ينكرو حد و الدولة بيدها استعرفت و هذاكا علاه عملت الشعبة هذي باش ماعادش يصير انتداب لناس من مش مالاختصاص اما رغم هذا ما فما حتى ضمان يخلينا نقولو انو الانتداب مباشر لكل خريجي الشعبة هذي خاصة مع الوضع الاقتصادي الي تعيشو البلاد
و تو نزيدو نثبتو مع الدفعة إلي تخرجت السنا .
المجموعة هذي تهتم بالطلبه الي يحبو يتوجهو تربية و تعليم .. من خلالها بش نجاوبوكم على جميع إستفساراتكم و تساؤلاتكم مرحبا بيكم زملاء المستقبل 
