تكنولوجيا الاعلامية

هو غرام ، حكاية تتعاش كاملة في حياة احباء الاعلامية و مجانين البرمجة ، فهو هواية قبل ان تكون مجرد شعبة ، تكنولوجيا الاعلامية تدرس في العديد من المعاهد العليا للدراسات التكنولوجية في تراب الجمهورية التونسية ، و تتميز بطابع خاص حيث ان السنة الاولى في هذه الشعبة تكون موحدة اي انك تدرس كل ماهو يتعلق بالاعلامية و يمهدك لاختيار اختصاصك الذي سيكون سواء 
-DSI(Développement Système Informatique) 
-RSI ( Réseaux Système Informatique)
-SEM (Système Embarqué Mobile )
-MDW(Multimédia Développement Web)
و كل ما يتمحور على الاختصاصات هذي سوف تكون لكم لمحة في السنة الاولى و هي السنة الموحدة يعني بالفلاڨي باش تقرى كل ماهو ريزو و دفلوبمون و سيتسام امباركي في عامك اللول في الثلاثي الثاني ، باش انت تعرف و تاخذ نظرة على مهاراتك وين تنجم تلقاها ، يا خويا انت تحب الريزو و تحب تقراه ، اي جاء الثلاثي الثاني ، و قريت ريزو ! لقيتو صعيب و كان تتعمق فيه تضيع ! باش تجازف في مستقبلك؟ اكيد لا! و على فكرة ما تنجمش تبدل الاختصاص في وسط العام ، يعني لازمك تكون مسؤوول كان لقيت روحك باهي و مرتاح في الريزو امشي ولا دفلوبمون امشي ، ولا سيستام امشي ولا ميلتيميديا امشي ، مهم عمرك لا تتبع قلبك في مستقبلك ، تبع مخك و شعندك في مهاراتك ! و هذي هي الميزة الباهية في المعاهد العليا للدراسات التكنولوجية.
بالنسبة للشعبة هذي تنجم تكون من الاوائل و تمشي تقرا ingénierie و عندها افاق كبيرة بالرسمي توصلك لبااارشا حاجات في عالم الانفورماتيك و لي هو بحر كبير و كذلك تكمل تعمل ماستار ، و كل معهد عندو شعب معينة فيها ماستار .
بالنسبة للخدمة بعد ما تتخرج Technicien supérieur و الحقيقة الحظوظ متفاوتة و في تونس ما فمش خدمة تستنى فيك طول بعد التخرج متاعك، و تو في وقتنا هذا كل شي يستحق الانفو ، يعني الشركات الكل مطلوب فيها انفورماتيك و تخدم بيه لكن لازم تكون متفوق و عندك soft skills قوية بالرسمي باش تفك بلاصتك في خدمة
بالنسبة للتوجه الناس الكل مهما كانت الشعبة متاعو في الباكلوريا ينجمو يقروها الا الباك لاتر
خاطر الانفورماتيك مش قراية فقط ، راهو غرام و هواية .